Plani 15-pikësh i SHBA-së, zyrtari iranian: Kërkesat e Trump janë të tepruara

Irani ka shqyrtuar propozimin me 15 pika të presidentit Donald Trump dhe “i konsideron kërkesat të tepruara”, sipas një zyrtari iranian.

“Irani do t’i japë fund luftës në një kohë që e zgjedh vetë, vetëm nëse plotësohen kushtet e tij. Irani nuk do të lejojë që presidenti amerikan Trump të diktojë kohën e përfundimit të luftës”, është shprehur ai.

Ai shtoi se Teherani i ka komunikuar SHBA-së përmes një ndërmjetësi se do të vazhdojë të mbrojë veten, duke përcaktuar pesë kushte në të cilat Irani do t’i jepte fund luftës:

1-Ndalimi i “agresionit dhe atentateve”.

2-Mekanizma konkretë për të garantuar që Irani nuk do të sulmohet sërish.

3-Pagesa e dëmeve të luftës dhe reparacioneve.

4-Përfundimi i luftës në të gjitha frontet dhe për të gjitha grupet e rezistencës të përfshira në rajon.

4-Njohje ndërkombëtare dhe garanci lidhur me autoritetin e Iranit mbi Ngushticën e Hormuzit.

Kjo vjen pasi zyrtarët pakistanezë konfirmuan më herët se Irani kishte marrë propozimin amerikan me 15 pika për përfundimin e sulmit SHBA-Izrael.

Trump kishte pretenduar se SHBA po negocionte me Iranin për një armëpushim, duke thënë se Uashingtoni po fliste me “njerëzit e duhur” në Iran dhe se “ata duan shumë të bëjnë një marrëveshje”.

Por zyrtarët iranianë e kanë mohuar vazhdimisht se po negociojnë me SHBA-në. Sot, një zëdhënës ushtarak tha me ironi se SHBA po negocion me vetveten.