Çmimi i karburanteve, Bordi i Transparencës del sot me një vendim

Bordi i Transparencës për karburantet do të mblidhet sot për të marrë një vendim lidhur me çmimet, përfshirë edhe atë të naftës.

Lajmi u bë i ditur nga ministri i Shtetit për Pushtetin Vendor, Ervin Demo, në një deklaratë për mediat pas mbledhjes së qeverisë.

“Bordi i Transparencës do të mblidhet ditën e sotme, ku do të ketë një vendim. Bordi është duke marrë të gjithë informacionin për çmimet. Kuptohet që rritja e çmimit të naftës dhe inflacioni që sjell në produkte kërkon një kohë të caktuar. E para është të garantojmë transparencën, jo vetëm me produktet bazë, por edhe me produkte si nafta ose ato që kanë të bëjnë me energjinë. Në treg nuk mund të përdoret kjo situatë në kurriz të qytetarëve”, tha Demo.