Protokolli anti-COVID për turizmin, detyrat për sipërmarrësit turistikë, të njëjta si vitin e kaluar

Ministria e Turizmit dhe Mjedisit në bashkëpunim me Ministrinë e Shëndetësisë dhe Mbrojtjes Sociale kanë prezantuar protokollin e masave anti-COVID për sezonin turistik 2021.

Ndonëse situata epidemiologjike është përmirësuar, protokolli edhe për këtë sezon turistik ka mbetur pothuajse i njëjtë me atë të një viti më parë.

Hapësira nga çadra në çadër në stacionet e plazhit nuk duhet të jetë më e vogël se 3 apo 3.5 metra. Protokolli kërkon dezinfektimin e krevateve të plazhit çdo ditë si dhe dushe me sapun dhe higjenizues nëpër stacionet me më shumë se 100 çadra. Ndryshe nga vjet, këtë vit pishinat do të jenë të hapura, ato duhet të dezinfektohen çdo ditë dhe krevatet duhet të kenë distancë jo më të vogël se 2 metra nga njëri-tjetri.

Personeli qe shërben ushqimin duhet të jetë i pajisur me maska. Klientët duhet të ruajnë distancën 1.5 metra në marrjen e shërbimeve në ambientet e stacionit të plazhit si dhe gjatë shëtitjeve në plazhe, apo shëtitore.

Çdo sipërmarrje turistike rekomandohet të afishojë masat respektive në vende qartësisht të dukshme.

LEXONI GJITHASHTU: 

• Turizmi vuan për punonjës, Ana Zacharian: Keqorientimi i shkollimit të të rinjve ka dëmtuar sektorin
• Kliton Gërxhani: Kemi vizion të gabuar për zhvillimin e turizmit
• Andriola Kambo për turizmin: Ta shohim trashëgiminë kulturore si një mundësi të mirë ekonomike