Kina dhe Pakistani bëjnë thirrje për armëpushim të menjëhershëm!

Kina dhe Pakistani bënë thirrje sot për një “armëpushim të menjëhershëm” dhe bisedime paqeje për të zgjidhur luftën në Iran, pas bisedimeve dypalëshe të nivelit të lartë midis dy vendeve në Pekin.

Ata u kërkuan të gjitha palëve të organizojnë kalimin e sigurt të anijeve tregtare dhe civile përmes Ngushticës së Hormuzit dhe “të mbrojnë sigurinë e anijeve dhe ekuipazhit” të bllokuara në rrugën ujore, e cila është një nga pikat kritike të ekonomisë globale.

“Kina dhe Pakistani bëjnë thirrje për ndërprerje të menjëhershme të armiqësive dhe përpjekje maksimale për të parandaluar përhapjen e konfliktit”, thanë ministritë e jashtme të të dy vendeve në një deklaratë të përbashkët.

“Sovraniteti, integriteti territorial, pavarësia kombëtare dhe siguria e Iranit dhe shteteve të Gjirit duhet të mbrohen”, shtuan ata.