Diplomati më i lartë i Zelandës së Re do të vizitojë SHBA-në, çfarë do diskutohet me Rubion

Ministri i Jashtëm i Zelandës së Re, Winston Peters, do të udhëtojë drejt Washington për t’u takuar me Sekretarin amerikan të Shtetit, Marco Rubio.

Në një deklaratë para nisjes së tij të hënën, Peters theksoi se në fokus të bisedimeve do të jenë bashkëpunimi në rajonin e Paqësorit dhe Indo-Paqësorit, si dhe zhvillimet kryesore ndërkombëtare, veçanërisht konflikti në Lindjen e Mesme dhe ndikimi i tij në rajon.

Ai shtoi se këto takime synojnë të avancojnë interesat diplomatike, të sigurisë dhe ekonomike të Zelandës së Re, duke thelluar gjithashtu mirëkuptimin e ndërsjellë mbi prioritetet e të dy vendeve. Peters pritet të kthehet në vend të premten.