Kancelari gjerman mbështet armëpushimin: Dialogu është i domosdoshëm për paqe të përhershme

Kancelari i Gjermanisë, Friedrich Merz, është rreshtuar me një pjesë të liderëve botërorë në mbështetje të armëpushimit dyjavor midis Shteteve të Bashkuara dhe Iranit, i cili u arrit gjatë natës me ndërmjetësimin e Pakistanit. Ky armëpushim synon të krijojë hapësirë për bisedime më të gjera dhe për të negociuar një përfundim të qëndrueshëm të luftës.

Merz nënvizoi se Gjermania është në konsultime të ngushta me partnerët e saj ndërkombëtarë për të mbështetur këtë proces dhe ka shprehur besimin se hapja e dialogut është e domosdoshme për të arritur paqe të përhershme.

“Mirëpres armëpushimin dyjavor që u dakordua mes SHBA-së dhe Iranit gjatë natës. Falenderojmë Pakistanin për ndërmjetësimin. Qëllimi tani duhet të jetë një fund i përhershëm i luftës. Jemi në konsultime të ngushta me partnerët tanë për këtë”, shkruan Friedrich Merz.