U liruan nga burgu në Iran, çifti francez mbërrin në Paris! Rrëfejnë tmerret që përjetuan në 3 vite

Dy francezë që kaluan më shumë se tre vjet në një burg iranian u kthyen në Francë të mërkurën, duke rrëfyer tmerret e përditshme që përjetuan.

Cecile Kohler dhe Jacques Paris u mirëpritën në shtëpi nga presidenti francez, Emmanuel Macron. Duke folur me gazetarët, Kohler tha se ata kishte jetuar tmerre të përditshme në burgun famëkeq Evin në Teheran dhe falënderoi të gjithë ata që kishin ndihmuar për të siguruar lirimin e tyre.

“Na mbajtën në kushte jashtëzakonisht të vështira”, tha ai, duke shtuar se ato ishin padyshim çnjerëzore.

Ata theksuan se u lidheshin sytë sa herë që dilnin nga qelitë e tyre.

“Kjo duhet t’ju japë një ide për kushtet që na janë imponuar. Padyshim që një nga qëllimet e tyre ishte të na shkatërronin. Sot mund t’ju themi se ky është një fillim i ri për ne. Ne nuk jemi të thyer,” tha Paris.

Kthimi i Kohler dhe Paris mund të çojë në një presion të ri mbi Iranin për të liruar shtetas të tjerë të huaj të ndaluar, përfshirë çiftin britanik Craig dhe Lindsay Foreman, të cilët u dënuan me 10 vjet burg për spiunazh.