Presidenti i Libanit, Joseph Aoun refuzon të flasë me Netanyahun për të arritur një marrëveshje

Presidenti libanez, Joseph Aoun ka refuzuar të flasë me kryeministrin izraelit Benjamin Netanyahu sipas një zyrtar libanez. Kjo deklaratë vjen pasi presidenti amerikan Donald Trump tha se të dy udhëheqësit ishin gati të zhvillonin bisedime historike.

“Ne i thamë Amerikës se nuk jemi gati ta ndërmarrim atë hap”, tha zyrtari për CNN.

Zyrtarët në Liban i kanë thënë Izraelit dhe SHBA-së se nuk do të kërkojnë negociata të mëtejshme derisa të arrihet një armëpushim midis Libanit dhe Hezbollahut.

Më herët të enjten, zyrtarët izraelitë thanë se Netanyahu dhe Aoun ishin planifikuar të bisedonin pasi Izraeli dhe Libani zhvilluan diskutimet e tyre të para të drejtpërdrejta në më shumë se katër dekada në Uashington, këtë javë.

Trump tha gjithashtu se udhëheqësit e Izraelit dhe Libanit do të flisnin në një postim në rrjetet sociale  pa dhënë asnjë detaj se ku ose si do të komunikonin.

Izraeli ka thënë se ende nuk po kërkon t’i japë fund luftës me grupin e mbështetur nga Irani, i cili ka vrarë më shumë se 2,167 persona dhe ka zhvendosur mbi 1.2 milion banorë nga shtëpitë e tyre.