Babai vret 7 fëmijët e tij në SHBA, dy të plagosur në gjendje kritike! Policia ekzekuton autorin

Të shtëna masive janë regjistruar në Luizina të SHBA-së. Mësohet se 8 persona kanë humbur jetën nga kjo ngjarje e rëndë. Raportohet se një baba ka vrarë shtatë fëmijët e tij dhe një të mitur tjetër në Shreveport të Luizianës.

Pasi sulmoi fëmijët në një pronë, i dyshuari u largua me një makinë të vjedhur, tha policia. Zyrtarët më pas e ndoqën dhe e vranë. Dy gra, përfshirë nënën e fëmijëve, janë në gjendje kritike pasi edhe ato u plagosën nga të shtënat me armë zjarri. 

Dhe një fëmijë i nëntë u dërgua në spital pasi u hodh nga çatia e shtëpisë ndërsa po arratisej. I dyshuari u identifikua si Shamar Elkins. Viktimat ishin të moshës nga tre deri në 11 vjeç.

Zyra e mjekut ligjor tha se fëmijët u identifikuan nga nënat e tyre si Jayla Elkins, 3 vjeç, Shayla Elkins, 5 vjeç, Kayla Pugh, 6 vjeç, Layla Pugh, 7 vjeç, Markaydon Pugh, 10 vjeç, Sariahh Snow, 11 vjeç, Khedarrion Snow, 6 vjeç dhe Braylon Snow, 5 vjeç.

Babai dyshohet se fillimisht qëlloi një grua, përpara se të zhvendosej në një vend të dytë ku qëlloi më shumë drejt fëmijëve.

Një nga viktimat arriti të ikë me vrap në një shtëpi aty pranë dhe telefonoi autoritetet, tha policia. Anëtarët e familjes i thanë medias amerikane se Elkins po përballej me një ndarje nga gruaja e tij.