Vodhi “Audin” me vlerë 50 mijë euro në Itali për ta shitur në Shqipëri, procedohet 44-vjeçari

Policia e Tiranës ka identifikuar dhe proceduar penalisht një shtetas të dyshuar për trafikimin e automjetit të vjedhur në Itali, me qëllim shitjen në Shqipëri.

Në vijim të operacionit “Stolen Line” u sekuestrua një automjet tip “Audi SQ8”, me vlerë rreth 50 000 euro, i cili, nga verifikimet, rezultoi i vjedhur në Itali.

Për këtë rast nisi procedimi penal për shtetasin V. T., 44 vjeç, i cili dyshohet se e ka sjellë automjetin në Shqipëri, me qëllim shitjen.

Materialet procedurale iu referuan Prokurorisë së Tiranës, për veprime të mëtejshme.