Kandidate për presidente, reagon Osmani: Ju dëgjova, po bashkohemi për të nisur këtë rrugëtim të ri të bashkimit

Ish-presidentja e Kosovës, Vjosa Osmani përmes një video në “Facebook” ka deklaruar se ishin qytetarët që e bindën për t’u kthyer për të kandiduar për presidente në listën e Lidhjes Demokratike të Kosovës në zgjedhjet e 7 qershorit.

“Për muaj të tërë kam ecur nëpër në çdo cep të Kosovës. Jam mirëpritur në shtëpitë tuaja, kam dëgjuar hallet tuaja. Kam parë zhgënjimin në sytë e njerëzve të ndershëm por mbi të gjitha kam parë një gjë që ende nuk është shuar, shpresën dhe kudo në çdo fshat e qytet, në çdo tavolineë e shesh, ju me folët me një zë.

Ju dëgjova prandaj po bashkohemi për të nisur këtë rrugëtim të ri të bashkimit. Le ti bashkojmë zemrat dhe ëndërrat. Le të bashkohemi të gjithë”, thotë Osmani teksa në video paraqiten takimet e saj me qytetarët e Kosovës.