Lavrov nervozohet me gazetarin: Nëse nuk e dorëzoni telefonin, sigurimi do të nxjerrë një armë (VIDEO)

Ministri rus i Punëve të Jashtme Sergei Lavrov është kthyer në qendër të vëmendjes në mediat sociale pas një deklarate kërcënuese ndaj një gazetari gjatë një konferencë për shtyp. Lavrov u nervozua me një gazetar pasi telefoni i tij vazhdonte të binte.

Sipas mediave ruse, incidenti thuhet se ndodhi gjatë një konference për shtyp në Neë Delhi, ku ministri i jashtëm rus ndodhet për një vizitë zyrtare.

Një nga gazetarët iu përgjigj një telefonate brenda dhomës, me Lavrovin që fillimisht i kërkoi të mbaronte bisedën në mënyrë që intervista të vazhdonte pa ndërprerje. Ministri rus vazhdoi fjalimin e tij, por pak kohë më vonë i njëjti gazetar filloi të fliste përsëri në telefon.

“A mund të na lini rehat? Nuk po bëj shaka! Djema, nxirreni jashtë… Zotëri, më vjen keq, nëse nuk e dorëzoni telefonin tuaj, ata do të nxjerrin një armë”, reagoi ai.