Studentët në Maqedoninë e Veriut për gjuhën shqipe, vendosin pankarta në Gjykatën Kushtetuese

Një grup studentësh shqiptarë që po protestojnë në Shkup për mbrojtjen e gjuhës shqipe janë drejtuar pranë Gjykatës Kushtetuese, ku kanë vendosur pankarta dhe parulla në ambientet e jashtme të institucionit.

Përmes mesazheve të tyre, studentët kanë kërkuar garantimin e së drejtës për zhvillimin e provimeve profesionale në gjuhën shqipe, duke e cilësuar këtë si një të drejtë kushtetuese dhe element të barazisë qytetare në Maqedoninë e Veriut.

Aksioni i tyre u zhvillua në kuadër të protestës së organizuar në Shkup, ku qindra studentë dhe qytetarë dolën në mbështetje të përdorimit të gjuhës shqipe në institucionet shtetërore dhe arsimore.