SHBA shton masat kundër përhapjes së Ebolës, kontrolle edhe në aeroport

19 Maj 2026 | 09:12

Shtetet e Bashkuara kanë rritur masat parandaluese kundër përhapjes së virusit Ebola, ndërsa autoritetet shëndetësore theksojnë se rreziku për publikun amerikan mbetet i ulët.

Qendrat Amerikane për Kontrollin dhe Parandalimin e Sëmundjeve (CDC) njoftuan se do të shtojnë kontrollet për udhëtarët ajrorë që vijnë nga rajonet e prekura nga shpërthimi i virusit.

Sipas masave të reja, mbajtësit e pasaportave jo-amerikane që kanë udhëtuar në Uganda, Republica Demokratike e Kongos ose Sudani i Jugut gjatë 21 ditëve të fundit do të përballen me kufizime hyrjeje në SHBA.

Ndërkohë, Ambasada Amerikane në Kampala njoftoi pezullimin e përkohshëm të të gjitha shërbimeve të vizave.

“Në këtë moment, CDC e vlerëson rrezikun e menjëhershëm për publikun amerikan si të ulët, por do të vazhdojmë të monitorojmë situatën dhe mund të përshtatim masat e shëndetit publik në varësi të zhvillimeve”, thuhet në deklaratën e agjencisë.

Presidenti amerikan Donald Trump deklaroi se është “i shqetësuar” për shpërthimin e Ebolës, por shtoi se beson se virusi “është kufizuar për momentin në Afrikë”.

Masat e reja vijnë pasi një shtetas amerikan rezultoi pozitiv me virusin Ebola në Republikën Demokratike të Kongos, pas ekspozimit gjatë punës së tij në vend.

Home Kryefaqja
Shiko në: YouTube
Lajme të Sugjeruara

OKB: Epidemia e Ebolës mund t’i kushtojë Afrikës deri në 3.6 miliardë dollarë

Kombet e Bashkuara kanë paralajmëruar se shpërthimi aktual i Ebolës mund t’i kushtojë ekonomisë afrikane deri në 3.6 miliardë dollarë dhe të shkatërrojë qindra mijëra...
13:22 | 30/06/2026

Plani i shpenzimeve të qeverisë, kryeministri britanik premton 15 miliardë paund shtesë për mbrojtjen

Kryeministri britanik Keir Starmer ka njoftuar një financim shtesë prej 15 miliardë paundësh për mbrojtjen, në prag të publikimit të planit shumëvjeçar të shpenzimeve të...
13:06 | 30/06/2026

Witkoff dhe Kushner zbarkojnë në Katar për bisedime rreth luftës me Iranin

I dërguari i SHBA-së për Lindjen e Mesme, Steve Witkoff, dhe këshilltari i lartë Jared Kushner mbërritën në Doha për t’u takuar me ndërmjetësuesit e...
12:52 | 30/06/2026