Trump kërkon nënshkrimet për t’i dhënë fund luftës, çfarë janë Marrëveshjet e Abrahamit?

Presidenti i SHBA-së, Donald Trump, ka kërkuar që detyrimisht që vendet e Lindjes së Mesme dhe vendet e tjera të nënshkruajnë Marrëveshjet e Abrahamit, pasi të arrihet një marrëveshje për t’i dhënë fund luftës me Iranin.

Por çfarë është kjo marrëveshje? Marrëveshjet e Abrahamit janë një seri marrëveshjesh që normalizojnë marrëdhëniet midis Izraelit dhe disa prej fqinjëve të tij arabë.

Emiratet e Bashkuara Arabe dhe Bahreini u bënë nënshkruese të marrëveshjeve gjatë mandatit të parë të Trump në vitin 2020, duke thyer qëndrimet e tyre për t’u bërë shtetet e para arabe që njohën Izraelin në një çerek shekulli.

Trump i vlerësoi marrëveshjet në atë kohë, duke thënë se ato do të“ndryshonin rrjedhën e histories dhe shënuan agimin e një Lindjeje të Mesme të re.

Maroku dhe Sudani ndoqën shpejt shembullin. Dhe Kazakistani iu bashkua marrëveshjeve vitin e kaluar, megjithëse tashmë kishte marrëdhënie diplomatike të hershme me Izraelin. Dhëndri i Trump, Jared Kushner, ndihmoi në ndërmjetësimin e marrëveshjeve.

Pse po flet Trump për marrëveshjet tani? Trump tha të hënën se diskutoi marrëveshjet gjatë telefonatave me udhëheqësit e Arabisë Saudite, Emirateve të Bashkuara Arabe, Katarit, Pakistanit, Turqisë, Egjiptit dhe Bahreinit. Ai tha se me të gjithë punën që SHBA-të kanë bërë për të arritur një marrëveshje paqeje, bashkimi me marrëveshjet duhet të jetë i detyrueshëm.

Një burim saudit i tha CNN se qëndrimi i vendit ndaj marrëveshjeve nuk ka ndryshuar dhe se Riadi do t’i normalizojë marrëdhëniet me Izraelin vetëm pasi të ketë një rrugë të pakthyeshme drejt një shteti palestinez.

Një burim tjetër tha se Trump e përmendi marrëveshjen “kalimthi” gjatë një telefonate me udhëheqësit rajonalë të shtunën dhe i inkurajoi vendet e tyre të bashkoheshin, por nuk e ngriti atë si një kusht të marrëveshjes me Iranin.

Dhe një burim tjetër rajonal tha se disa vende mund të jenë të hapura për t’u bashkuar me marrëveshjet, por me kushte në lidhje me veprimet izraelite në Gaza, Bregun Perëndimor dhe Liban.