I gjetën në koshin e plehrave, çifti zbulon se pikturat ishin të Louis Wain! Shitën në ankand për 16 mijë paund

Një çift britanik gjeti dy piktura në një kosh plehrash ndërsa shëtiste qenin e tyre pa e ditur vlerën e tyre reale. Mësohet se ata i shitën në ankand për 16,000 paund.

Pikturat kishin qenë të varura në muret e shtëpisë së tyre në Pembrokeshire, Uells , për disa vite përpara se të vendosnin të mësonin më shumë rreth artistit Louis Wain, sipas shtëpisë së ankandeve Rogers Jones.

Pastaj çifti kuptoi se Louis Wain ishte një artist i famshëm britanik i njohur për përshkrimet e tij të maceve në fund të shekullit të 19-të dhe fillim të shekullit të 20-të.

“Ne gjithmonë bënim shaka se ndoshta një ditë ato do të kishin vlerë, por kurrë nuk e mendonim vërtet se do të vlente”, thanë ata.

“Kur i pamë për herë të parë në plehra, na tërhoqën vëmendjen sepse menduam se do të ishin një dhuratë e bukur për nusen tonë që i do macet”, shpjegoi çifti.

Ankandisti Ben Rogers Jones tha se, ndërsa është e pazakontë që pikturat të gjenden të braktisura, kjo nuk është e paprecedentë.

Ai shpjegoi gjithashtu se kushdo që shet objekte në ankand duhet të nënshkruajë një kontratë që konfirmon se është pronari i ligjshëm.

Louis Wain lindi në Clerkenwell më 5 gusht 1860 dhe punoi si mësues në Shkollën e Artit të Londrës Perëndimore, ku kishte qenë student.  Më pas ai punoi si artist i pavarur për revista dhe gazeta profesionale.

Ai u bë i famshëm për pikturat e tij të maceve dhe shpesh i atribuohet ndryshimi i qëndrimeve të njerëzve ndaj maceve.

Në vitin 1924, në moshën 63 vjeç, ai u shpall i sëmurë mendor dhe u transferua në shtëpinë e të varfërve të një spitali në Londër. Më vonë ai u transferua në Spitalin e famshëm Bethlem dhe vazhdoi të pikturonte deri në vdekjen e tij në vitin 1939.