Rumania u godit me dron rus, reagon Kreu i NATO-s: Jemi gati të mbrojmë çdo centimetër

29 Maj 2026 | 10:59

Një dron rus ka goditur një bllok apartamentesh në qytetin Galați në Rumani, duke shkaktuar zjarr në katin e 10-të të ndërtesës dhe duke plagosur dy persona.

Ngjarja ndodhi pranë kufirit lindor të Rumanisë me Ukraine dhe Moldavinë, një zonë që shpesh është prekur nga sulme ajrore gjatë luftës në Ukrainë.

Presidenti i Rumanisë, Nicușor Dan, e cilësoi incidentin si “më seriozin që ka prekur territorin rumun që nga fillimi i luftës së agresionit rus kundër Ukrainës”, duke thirrur menjëherë Këshillin Suprem të Mbrojtjes Kombëtare.

Ndërkohë NATO e dënoi incidentin si një akt të “pakujdesshëm”, ndërsa theksoi nevojën për forcim të mbrojtjes ajrore në rajon.

Sekretari i Përgjithshëm i NATO-s, Mark Rutte, e ka dënuar “sjelljen e pamatur të Rusisë” si një rrezik për të gjithë anëtarëte aleancës.

Rutte thotë se e ka siguruar Presidentin rumun Nicuşor Dan se NATO “është gati të mbrojë çdo centimetër të territorit aleat”.

Ai shton në një postim në X se “Rusia vazhdon të sulmojë civilët dhe infrastrukturën civile në të gjithë Ukrainën dhe mbrëmë tregoi edhe një herë se implikimet e luftës së tyre të paligjshme të agresionit nuk ndalen në kufi”.

Rutte thotë se NATO do të vazhdojë të forcojë mbrojtjen e saj dhe do të vazhdojë të mbështesë Ukrainën kundër agresionit të Rusisë.

Home Kryefaqja
Shiko në: YouTube
Lajme të Sugjeruara

Valë e të nxehtit edhe në Gjermani; temperaturat deri në 38 gradë, po vijnë stuhi të forta

Shërbimi Meteorologjik Gjerman ka zgjatur paralajmërimet për valë të nxehti sot, me temperatura që arrijnë deri në 38 gradë Celsius, ndërsa gjatë mbrëmjes dhe natës...
10:52 | 19/06/2026

Franca përfshihet nga vala e të nxehtit, mbyllen shkollat, anulohen festivalet

I nxehti ekstrem ka goditur përsëri Francën, ku disa shkolla janë mbyllur për shkak të valës së të nxehtit, provimet janë shtyrë dhe festivalet janë...
10:44 | 19/06/2026

Ministri Barrot: Nuk do të ketë heqje të sanksioneve të OKB-së ndaj Iranit pa miratimin e Francës

Ministri i jashtëm francez, Jean-Noel Barrot deklaroi këtë të premte se Franca dëshiron të luajë një rol në bisedimet që kanë të bëjnë me programin...
10:00 | 19/06/2026