Hezbollahu paralajmëron se nuk do të ndalojë sulmet në Izraelin verior

Hezbollahu nuk do të ndalojë bombardimet në veri të Izraelit, paralajmëroi të dielën një burim pranë grupit pro-iranian, duke iu përgjigjur kërcënimeve të Izraelit për të goditur periferitë jugore të Bejrutit nëse ky grup nuk i ndal sulmet e tij. 

Ministri izraelit i Mbrojtjes, Israel Katz, tha më parë se nuk do të ketë qetësi në Bejrut dhe periferitë e tij nëse sulmet e Hezbollahut nuk ndalen. 

Një zyrtar amerikan tha gjithashtu të dielën se SHBA-të kishin propozuar një plan sipas të cilit Hezbollahu do të ndalonte të gjitha sulmet ndaj Izraelit dhe në këmbim Izraeli do të shmangte çdo përshkallëzim në Bejrut. 

“Hezbollahu nuk do të angazhohet për të ndaluar bombardimet e veriut të Izraelit”, tha burimi për AFP-në në kushte anonimiteti.

“Të ndalojë sulmet që dëmtojnë Izraelin ndërsa bombardon Libanin?” pyeti ai.