Irani sulmon me dron Aeroportin e Kuvajtit, plagosen disa persona! Pezullohen fluturimet

Aeroporti Ndërkombëtar i Kuvajtit u godit nga dronë iranianë , duke plagosur disa persona, thanë të martën forcat e armatosura të vendit.

“Dronët armiqësorë shënjestruan sot terminalin e pasagjerëve (T1) të Aeroportit Ndërkombëtar të Kuvajtit, si pjesë e një sulmi iranian, duke shkaktuar dëme të konsiderueshme materiale dhe lëndime në njerëz”, thanë forcat e armatosura në llogarinë e tyre X.

Autoriteti i aviacionit civil pezulloi trafikun ajror dhe fluturimet u devijuan në aeroporte të tjera, raportoi agjencia zyrtare e lajmeve Kuvajtiane Kuna.

Ushtria amerikane tha më parë se dy raketa iraniane të qëlluara drejt Kuvajtit, ndërsa tre raketa të qëlluara drejt Bahreinit u interceptuan nga forcat amerikane dhe të Bahreinit.

Komanda Qendrore e SHBA-së (Centcom) shtoi se Irani kishte qëlluar raketa balistike drejt fqinjëve të tij, por asnjëra prej tyre nuk i goditi objektivat e tyre.

Forcat amerikane kryen sulme në ishullin Qeshm në përgjigje të sulmeve të tentuara nga Irani, duke rrëzuar raketa balistike dhe dronë iranianë.