Rrëzohet një helikopter i Marinës Britanike, mbyllen disa rrugë kryesore! Dyshohet për të plagosur

Marina Mbretërore Britanike njoftoi se një nga helikopterët e saj ishte rrëzuar në një fushë në Devon, në jugperëndim të Anglisë, ndërsa policia tha se shërbimet e emergjencës kishin nxituar në zonë.

Sipas mediave vendase, helikopteri u rrëzua në orët e para të mëngjesit në një fushë pranë autostradës A30 në Sourton Down, Devon.

Shërbimet e emergjencës shkuan në vendin e aksidentit dhe mbyllën një numër rrugësh në zonën përreth. Mbetet e paqartë nëse dikush është lënduar kur helikopteri ra nga qielli .

Shkaku i rrëzimit të helikopterit mbetet i panjohur për momentin. Një zëdhënës i Policisë së Devon dhe Cornwall tha: “Shërbimet e emergjencës janë në vendngjarje pas një rrëzimi që përfshinte një helikopter në një fushë në Sourton Down.”

“Incidenti është duke u hetuar dhe ne do të ndajmë më shumë përditësime sapo t’i kemi”, shtoi ai.

Raportet për përplasjen erdhën fillimisht rreth orës 4:30 të mëngjesit të sotëm, sipas orës lokale.