Kina thirrje për ndalimin e sulmeve në Lindjen e Mesme: Duhet armëpushim sa më shpejt

Ministria e Jashtme e Kinës ka bërë thirrje për ndalimin e veprimeve ushtarake në Lindjen e Mesme, pasi SHBA-të nisën sulme ndaj Iranit pas sulmeve nga Teherani.

“Kina u bën thirrje fuqimisht palëve përkatëse që të ndërpresin menjëherë operacionet ushtarake, të rikthehen në dialog dhe negociata, t’u përgjigjen përpjekjeve të ndërmjetësimit të vendeve përkatëse dhe të arrijnë një armëpushim gjithëpërfshirës dhe të qëndrueshëm sa më shpejt të jetë e mundur”, u tha gazetarëve zëdhënësi i Ministrisë së Jashtme Lin Jian në përgjigje të një pyetjeje në lidhje me situatën në Lindjen e Mesme.

Ministria tha gjithashtu se siguria e vendeve të rajonit duhet të respektohet.