Kosova raporton dy raste me variantin Delta të COVID-19

Në Kosovë janë identifikuar dy persona të infektuar me variantin Delta të COVID-19.

Njoftimin e bëri Ministria e Shëndetësisë së Kosovës, ku përmes një komunikate për mediat konfirmoi se të dy rastet kanë shfaqur simptoma, mirëpo tashmë janë shëruar dhe gjenden në shtëpi.

“Sot kemi pranuar të dhënat nga 22 mostrat pozitive të dërguara në Institutin e Virologjisë të Klinikës Unversitare Charite në Berlin, prej të cilave janë identifikuar 2 (dy) mostra me variantin Delta (B.1.617.2) të SARS-CoV-2”, raportoi Ministria e Shëndetësisë në Kosovë.

Izolimi i dy të infektuarve ka përfunduar, ndërsa ekipet e IKSHPK-së tashmë kanë gjurmuar të gjitha burimet dhe kontaktet e mundshme për të parandaluar përhapjen e mëtutjeshme të rasteve.

Varianti “Delta” i virusit është shfaqur për herë të parë në Indi dhe ka përhapje më të shpejtë se varianti i parë i COVID-19.

LEXONI GJITHASHTU:

• Rreziku nga varianti Delta, shtohen të infektuarit në disa shtete evropiane, rivendosen kufizimet
• Frika nga varianti Delta, Portugalia rivendos karantinën, rritet numri i të infektuarve në Rusi
• ​Rikthehen kufizimet në Australi për shkak të variantit “Delta” të COVID-19