Presidenti i Koresë së Jugut: Pas marrëveshjes me Iranin, Trump dëshiron të zgjidhë edhe çështjen e Koresë së Veriut

Donald Trump tani dëshiron të përqendrohet në zgjidhjen e “çështjes së Koresë së Veriut”, tani që ka përfunduar një marrëveshje protokollare me Iranin për t’i dhënë fund konfliktit në Lindjen e Mesme, tha sot Presidenti i Koresë së Jugut Lee Jae-myung pas takimit me homologun e tij amerikan në Francë.

“Presidenti Trump tha se është koha t’i kushtohet vëmendje çështjes së Koresë së Veriut”, u tha Lee gazetarëve në Seul, duke zbuluar detaje të takimit të tij me presidentin amerikan gjatë samitit të Grupit të Shtatë vendeve, G7, në Evian.

“I thashë atij se sanksionet dhe presioni kundër Koresë së Veriut janë joefektive”, tha Lee.

Ai madje shtoi se Trump ishte dakord me të se qëllimi afatshkurtër në lidhje me çështjen e Koresë së Veriut do të ishte ndalimi i programit të saj bërthamor.