Shpërthimi në zonën industriale në Katar, 54 të plagosur dhe 18 të zhdukur (VIDEO)

Një shpërthim i fuqishëm që ndodhi të dielën, në zonën industriale Ras Laffan, në Katar. Kjo rezultoi me 54 të plagosur, ndërsa 18 të tjerë rezultojnë të zhdukur, njoftoi Ministria e Brendshme e Emirateve, e cila disa orë më parë kishte folur për një “defekt teknik”.

“Gjithsej 54 persona u plagosën në incidentin në një fabrikë në qytetin industrial të Ras Laffan”, tha Ministria e Brendshme nëpërmjet X, duke shtuar se kërkimet ishin duke u zhvilluar për të gjetur personat e zhdukur”.

Qatar Energy, e cila operon njësinë Barzan për të furnizuar tregun vendas me gaz të lëngshëm (LNG), tha se ekipet e emergjencës u dërguan për të vënë nën kontroll zjarrin.

Kompania nuk tha nëse shpërthimi shkaktoi dëme në fabrikë. Një dëshmitar për Reuters raportoi më parë një shpërthim të fuqishëm në kryeqytetin Doha, në jug të objektit Ras Laffan. Njësia Barzan ka një kapacitet prej 1.4 miliardë këmbë kub në ditë dhe furnizon gaz natyror nëpërmjet tubacioneve për industritë lokale dhe sektorin e prodhimit të energjisë në Katar.

Gjithashtu ka kapacitet për të prodhuar etan, kondensate, gaz të lëngshëm nafte dhe squfur për tregjet vendase dhe të eksportit.

Ras Laffan është selia kryesore e QatarEnergy për prodhimin dhe eksportin e LNG-së, me një kapacitet total prodhimi prej 77 milionë ton në vit nëpërmjet 14 trenave.

Dy nga trenat e transportit të LNG-së të Katarit dhe një nga dy impiantet e tij të konvertimit të gazit në gaz të lëngshëm u dëmtuan në sulmet ajrore mes luftës SHBA-Izrael me Iranin, duke rrëzuar 17% të kapacitetit të eksportit të LNG-së të vendit. Riparimet pritet të zgjasin me vite.