Netanyahu përsërit nevojën për t’u bërë të pavarur nga SHBA-të: Ne duhet të fitojmë autonomi të plotë në prodhimin e armëve

Kryeministri i Izraelit, Benjamin Netanyahu, ka deklaruar se vendi i tij duhet të  fitojë autonomi të plotë në prodhimin e sistemeve të armëve dhe të zvogëlojë varësinë e tij nga Shtetet e Bashkuara

Duke folur para rezervistëve ushtarakë në Bregun Perëndimor, Netanyahu theksoi se Izraeli duhet të forcojë industrinë e tij të brendshme të mbrojtjes dhe të ndërtojë sisteme të veta të armatimit.

“Ne duhet të prodhojmë armët tona dhe të çlirohemi nga varësia,” u shpreh ai, duke shtuar se vendi ndodhet në një përballje të vazhdueshme me Iranin dhe aleatët e tij në rajon.