Të shtëna me armë zjarri në Pogradec, plagoset i riu me precedentë penal (FOTO)

Një ngjarje e rëndë është shënuar ditën e sotme në dalje të qytetit të Pogradecit. Paraprakisht mësohet se është plagosur me armë zjarri shtetasi Brian Syzo.

Ende nuk dihen rrethanat e ngjarjes, por bëhet me dije se Syzo është person i cili ka konflikte në qytet. Ai ësht shumë i njohur edhe për Policinë e Shtetit për shkak të një sërë veprash penale dhe konfliktesh në të cilat ka qenë i përfshirë.

Syzo është transportuar në spitalin e Pogradecit ku po merr ndihmën e parë mjeksore, ndërsa në vendngjarje ka mbërritur policia e cila po kryhen hetimet.

Njoftimi i plotë policor:

Rreth orës 13:15, në lagjen nr. 3, dyshohet se, gjatë një konflikti, shtetasi N. A. ka plagosur me armë zjarri, në këmbë, shtetasin B. S., rreth 35 vjeç, i cili po merr mjekim në spital dhe është jashtë rrezikut për jetën.

Shërbimet e Policisë po vijojnë kontrollet intensive për lokalizimin dhe kapjen e autorit të dyshuar të plagosjes.

Grupi hetimor, nën drejtimin e Prokurorisë, vijon veprimet për zbardhjen e rrethanave të konfliktit dhe dokumentimin ligjor të ngjarjes.

I plagosuri, Brian Syzo.