Perimetri Tiranë-Durrës do të mbyllet përsëri, Rama: Kush ka dalë për fundjavë, të kthehet brenda orës 8:00 të së hënës

Kryeministri Edi Rama iu ka bërë thirrje të gjithë banorëve të Tiranë dhe Durrësit që janë larguar nga qyteti i tyre për fundjavë, të rikthehen deri në orën 8:00 të mëngjesit të së hënës, pasi me shumë gjasa bllokimi i autostradës Tiranë-Durrës do të vijojë edhe pas të dielës.

Njoftimi i kreut të qeverisë bëhet përmes një postimi në faqen e vet në Facebook.

“Kush banon në Tiranë/Durrës dhe është larguar për fundjavë të gjatë në Korçë ose gjetkë, të sigurohet të hyjë në perimetrin e blinduar gjatë hapjes së rrugëve hyrëse, pas mesnatës të së dielës dhe jo më vonë se ora 08.00 e mëngjesit.

Kush banon në Tiranë/Durrës dhe është aktualisht brenda perimetrit, të sigurohet që të mos planifikojë lëvizje jashtë perimetrit në fillimjavën e ardhshme (duke shfrytëzuar hapjen e rrugëve nga e diela ne mesnatë deri të hënën në 08.00) sepse mund të mos rihyjë dot!

Sipas të gjitha gjasave perimetri Tr/Dr do të mbyllet përsëri!” shkruan Rama në Facebook.

Mund të lexoni gjithashtu

Rama: Numri i të infektuarve do të rritet, masat mund të përshkallëzohen

Thyen rregullat e “shtetrrethimit”, Policia ndëshkohen 509 qytetarë, dhjetëra të shoqëruar