BE nënshkruan marrëveshje me Ukrainën për të rritur prodhimin e dronëve

Ukraina dhe Bashkimi Evropian kanë nënshkruar një marrëveshje për drone për të kombinuar ekspertizën e Kievit me kapacitetin industrial të Evropës për të rritur prodhimin. Njoftimin e bëri të ditur presidentja e Komisionit Evropian, Ursula von der Leyen.

Vizita e saj vjen ndërsa sulmet ruse vranë gjashtë persona dhe plagosën të paktën 20 të tjerë në të gjithë Ukrainën, sipas autoriteteve rajonale.

“Ne duhet të kombinojmë pikat tona të forta. Kjo marrëveshje do të bashkojë zgjuarsinë ukrainase dhe shkallën industriale të Evropës”, tha Ursula von der Leyen .

Ukraina ka nënshkruar një sërë marrëveshjesh të tilla me vende individuale. Në samitin e NATO-s të javës së kaluar në Ankara, Presidenti Volodymyr Zelensky nënshkroi tre të tjera, duke thënë se kjo e çon totalin në nëntë.

Por marrëveshja e së mërkurës është marrëveshja e parë që synon të mbulojë vendet dhe kompanitë në të gjithë Bashkimin Evropian .

“Njohuritë që keni fituar se si të punoni me sistemet e dronëve dhe anti-dronëve janë vërtet unike”, tha von der Leyen, duke iu drejtuar Zelensky-t.

“Duhet ta shfrytëzojmë këtë së bashku. Sepse i dimë kërcënimet me të cilat përballet Evropa në këtë fushë – kemi parë ndërhyrje dhe alarme në shumë shtete anëtare të BE-së,” shtoi ajo.