Vritet në rezidencën e tij private Presidenti i Haitit

Presidenti i Haitit, Jovenel Moise, është vrarë në rezidencën e tij private.

Lajmin e ka konfirmuar kryeministri në detyrë Claude Joseph.

Bashkëshortja e tij Martine Moise ka mbetur e plagosur dhe është dërguar për mjekim në spital.

Kryeministri në detyrë e ka cilësuar sulmin “një akt i urryer, jo human dhe barbar” dhe shtoi se policia dhe autoritetet përkatëse e kanë situatën nën kontroll.

Vrasja e presidentit vjen në mesin e një krize të thelluar politike dhe ekonomike si dhe shtimit të dhunës për shkak të përplasjeve midis bandave rivale.

Haiti është ende në përpjekje për t’u rimëkëmbur nga dëmet e tërmetit shkatërrimtar të vitit 2010 e më pas një uragani të fuqishëm në 2016.

Gjatë muajve të fundit, liderët e partive opozitare kanë kërkuar dorëheqjen e presidentit me pretendimin se mandati i tij ka përfunduar në shkurt të këtij viti.

Gjatë muajve të fundit, liderët e partive opozitare kanë kërkuar dorëheqjen e presidentit me pretendimin se mandati i tij kishte përfunduar në shkurt, ndërkohë që vendi pritet të shkojë në zgjedhje parlamentare brenda këtij viti.

LEXONI GJITHASHTU

• 250 milionë njerëz mund të vuajnë nga uria, OKB: Na pret një katastrofë humanitare, bota të veprojë me zgjuarsi
• Dokumentari që ‘rishkruan’ historinë 600-vjeçare të kolonializmit evropian