A është futbolli arsyeja pse më shumë britanikë po sëmuren me COVID-19?

Burrat anglezë ishin rreth 30% më tepër të rrezikuar të prekeshin nga COVID-19 nga data 5 qershor-24 korrik dhe shkencëtarët mendojnë se turneu futbollistik Euro 2020 mund të jetë arsyeja kryesore.

Sipas studimit të fundit të Kolegjit Imperial në Londër, 1 në 170 qytetarë ishin të sëmurë aktivë gjatë kësaj periudhe, një shifër 4 herë më e lartë se fillimi i qershorit apo edhe maji.

Shkencëtarët dyshojnë se mbledhja e burrave nëpër shtëpi ose pabe për të parë ndeshjet e futbollit është arsyeja numër një për këtë trend në rritje.

Fatkeqësisht këto shifra të reja kanë ngritur dyshimet se Anglia mund të jetë duke përjetuar një valë të tretë infeksionesh.

Që nga 5 korriku, 86% e qytetarëve anglezë mbi 18 vjeç kanë marrë të paktën 1 dozë të vaksinës ndërsa 64% i kanë marrë të dyja.

Ndërkohë, autoritetet britanike kanë ngritur alarmin se “sado që vaksinat ofrojnë një mbrojtje të mirë ndaj infeksionit dhe sëmundjeve të rënda, të vaksinuarit mundet sërish të sëmuren nga COVID-19 si dhe të infektojnë të tjerët”.

Më shumë se 94% e infektimeve në Mbretërinë e Bashkuar shkaktohen nga varianti Delta, i cili u gjend për herë të parë në Indi, dhe mendohet të jetë 60% më i transmetueshëm se varianti Alpha.

LEXONI GJITHASHTU:

• A po aplikohen certifikatat e COVID? Në disa shtete udhëtarët shprehen se nuk u është kërkuar
• Miratohen certifikatat e COVID-19, nga 1 korriku do të shpërndahen në të gjitha vendet e BE
• Johnson prezanton planin për heqjen e masave anti-COVID në Britani të Madhe