Kodi Zgjedhor, Gjykata Kushtetuese shfuqizon pragun prej 10 mijë votash

Gjykata Kushtetuese ka rrëzuar pragun prej 10 mijë votash të parashikuan në Kodin Zgjedhor për herësin.

Në vendimin e zbardhur prej saj, Gjykata e vlerëson këtë prag si cenim të së drejtës për të zgjedhur.

Gjykata ka pranuar herësin por jo në masën e parashikuar në Kodin Zgjedhor prej 10 mijë votash.

Kushtetuesja e cilëson herësin si balancim të rolit të partisë dhe të zgjedhësve në një proces zgjedhor por pragu prej 10 mijë votash shkel parimin e proporcionalitetit.

Shqyrtimi i kësaj çështjeje erdhi me kërkesë të Partisë “Bindja Demokratike” dhe Partisë “Lëvizja Demokratike Shqiptare”.

Në zgjedhjet e 25 prillit ishin katër kandidatë që thyen herësin, Gramoz Ruçi, Fatmir Xhafaj dhe Ornaldo Rakipi nga PS dhe Luçiano Boçi nga PD.

Ata edhe pse nuk ishin të renditur në listën fituese, arritën që të merrnin numrin e nevojshëm të votave personale për të përmbysur renditjen e diktuar nga partia.

Vendimi i Kushtetueses nuk do të ketë fuqi prapavepruese për mandatet e zgjedhjeve të 25 prillit ndaj ata që arritën të thyenin herësin do të mund të marrin mandatin e deputetit.

LEXONI GJITHASHTU:

• Gjykata Kushtetuese rrëzoi herësin, ish-këshilltari Mustafaj: Nuk do të thotë se listat janë hapur
• Kushtetuesja rrëzoi herësin, Kume e quan vendimin si “shuplakë” për partitë politike