Negative rezultatet e fundit të analizave të ujit në Deçan, nuk dihet shkaku i helmimit masiv

Nga analizat e fundit që i janë bërë ujit që u dyshua se helmoi 1.500 persona në Deçan, ka rezultuar se testimi ka dalë negativ.

Analizat janë bërë për të identifikuar praninë e metaleve të renda në ujin e pijshëm të Deçanit.

Burime të afërta të “Hidrodrini” që është kompania e ujësjellësit në atë zonë, bëjnë me dije për Euronews Albania se uji në Deçan ka nuk prani të metaleve të rënda.

Një ditë më parë, Komuna e Deçanit shpalli gjendjen e emergjencës pas helmimit të rreth 1.500 personave.

Fillimisht u dyshua se këta persona janë helmuar për shkak të ujit të pijshëm, mirëpo analizat që i janë bërë ujit deri më tani kanë rezultuar negative. Ende nuk dihet shkaku i helmimit të qytetarëve.

LEXONI GJITHASHTU:

• Helmimi masiv në Deçan, rezultojnë negative analizat për infeksione në ujë
• Zëdhënësi i Prokurorisë Pejë: Po hetojmë në disa pista për helmimin në Deçan
• Albin Kurti i shqetësuar nga situata me rreth 1500 të helmuar në Deçan