Vrasja e dyfishtë në Elbasan, SPAK kalon për gjykim dosjet

Gjykata e Posaçme ka kaluar në gjykim dosjen ndaj Ardian Çapjes, Klajdi Dokolit, Etjen Canit dhe Jorgo Lekut për akuzën e vrasjes së dyfishtë në Elbasan në vitin 2012 të Gentian e Nezir Beqirit.

Gjykata ndau dosjen për dy të pandehurit e tjerë, Florenc Çapja dhe Ervis Bardhi për shkak se janë në mungesë dhe janë të arrestuar, njëri në Emiratet e Bashkuara Arabe dhe tjetri në Greqi.

Vrasja e dyfishtë babë e bir dyshohet se ka ndodhur sepse Nezir Beqiri akuzohej nga fisi Çapja se kishte bashkëpunuar në vrasjen e Sokol Çapjes në viti 2005, ngjarje e cila ka sjellë me dhjetëra persona të vrarë që prej atëherë.

LEXONI GJITHASHTU: 

• Porositën vrasje, i kalon SPAK dosja për Ardjan dhe Florenc Çapjan
• Ardian Çapja i mbijeton atentatit të tretë, policia masa të forta sigurie në spital
• Vrasja babë e bir, arrestohet informatori i vrasësit
• Nën akuzë për vrasje, arrestohet Ardian Çapja, shpallet në kërkim Florenc Çapja
• Ardian Çapja përfundon në spital një ditë pas arrestimit