Poeti lirik Skënder Rusi vlerësohet me titullin “Qytetar Nderi” i Korçës

Pas 50 vitesh kontribut në poezinë lirike, Skënder Rusi ka marrë titullin “Qytetar Nderi” nga Këshilli Bashkiak i Korçës. Pas një pune kolosale ndër vite kushtuar qytetit të tij, Rusi siguroi qytetarët që do të vijojë të lartësoj Korçën siç ajo e meriton.

“Këshilli i bashkisë Korçë i jep titullin” Qytetar Nderi “i qytetit të Korçës zotit Skënder Rusi me motivacionin, për kontributin e tij të shquar në botën e letrave, si dhe për shpirtin e tij poetik kushtuar Korçës dhe korçarëve”, tha Erjon Nexhipi, kryetari i Këshillit Bashkiak të Korçës.

Ky vlerësim i është bërë poetit Rusi pikërisht në 69-vjetorin e tij të lindjes.

Për djalin e tij, Eris Rusi ky është një titull i cili vjen pas një pune kolosale që babai i tij i ka dedikuar qytetit të Korçës.

“U vlerësua një poet për një karrierë 50 vjeçare në rrugëtimin e poezisë, me një botim prej 25 librash përgjatë kësaj hapësire gjysmëshekullore dhe vlerësimi bëhet mbi një meritë mbase që është specifikë identifikuese, veçanërisht për poetin Skënder Rusi. Ai i ka kushtuar një libër me poezi vetëm një qyteti, qytetit të Korçës. Gjithë libri ka poezi për gjithë himtesinë që ky qytet fal në panoramën shqiptare dhe me gjerë”, u shpreh Eris Rusi.

Poeti korçar në fund kishte dy fjalë për personat që ishin prezent në evenimentin dedikuar atij.

“Do vazhdoj ta lartësoj Korçën ashtu siç e meriton ajo, ashtu siç e meritojmë në të gjithë”, tha Skënder Rusi.

LEXONI GJITHASHTU:

• Kryetari i Kuvendit të Bujanocit: Cakaj mbetet “Qytetar Nderi” për ne
• Pasi u shpall ‘Qytetar Nderi’ nga bashkia e Skraparit, Pëllumb Pipero iu kërkon një tjetër nder