Rritet numri i të infektuarve me COVID-19 në vendin tonë

Gjatë 24 orëve në vendin tonë janë identifikuar 18 raste të reja me COVID-19, ndërsa nuk është raportuar asnjë viktimë nga virusi.

Rastet e reja kanë dalë nga 3621 testime të kryera, ndërsa vihet re se ditët e fundit është shtuar numri i rasteve pozitive në bazë ditore.

Janë shëruar gjashtë qytetarë gjatë 24 orëve të fundit, duke e çuar numrin e të shëruarve në 130,067 që nga fillimi i pandemisë.

Aktualisht janë 124 pacientë aktivë me COVID-19 në të gjithë vendin, pesë prej të cilëve po marrin trajtim në spitalin Infektiv.

Ministria e Shëndetësisë dhe Mbrojtjes Sociale ju bën apel qytetarëve që të mos neglizhojnë masat dhe shenjat e sëmundjes.

Më herët sot, ministrja e shëndetësisë, Ogerta Manastirliu njoftoi se nga e hëna do të nisë java e hapur e vaksinimit për personat mbi 18 vjeç.

Statistika (16 Korrik 2021)

Raste të reja ditore      18

Të shëruar në 24 orë     6

Të shtruar në spitale      5

Humbje jete në 24 orë   0

Testime ditore  3621

Shpërndarja gjeografike e rasteve aktive sipas qarqeve:

Tiranë     51

Shkodër    13

Fier    11

Vlorë   11

Elbasan    11

Durrës    10

Lezhë     7

Korçë    6

Kukës    2

Gjirokastër    2

LEXONI GJITHASHTU:

Nga e hëna 7 ditë në dispozicion për të gjithë të rriturit që duan të vaksinohen

Dyshime për variantin Delta, ministrja Manastirliu: Presim rezultatet nga Gjermania