“Kurti të mos bjerë pre e provokimeve”, analisti Shabani komenton deklaratën e Vuçiç

Analisti Zekirja Shabani tha në një intervistë për Euronews Albania se kryeministri Albin Kurti nuk duhet të bjerë pre e provokimeve të presidentit serb, ndërsa shtoi se të dyja palët janë të interesuara ta stërzgjatin e mos të ketë një marrëveshje shumë të shpejtë.

“Nuk pres që zoti Kurti të bjerë në provokimeve të z. Vuçiç për shkak se nuk do i bënte mirë as tij dhe as procesit në përgjithësi. Po pres që zoti Kurti të vazhdojë atë që ka premtuar para se vinte në pushtet”, u shpreh ai.

Ai theksoi se Vuçiç duhet t’u kërkojë falje shqiptarëve për veprimet apo aktet që janë marrë në Kosovë gjatë luftës.

“Nuk është një nismë e mirë me këto deklarata. Nuk është një sinjal i mirë kur në Bruksel pritet të arrihet një marrëveshje përfundimtare“, tha ai teksa komentoi deklaratën e Vuçiç para takimit në Bruksel.

“Vuçiç nuk po shkon në Bruksel për të arritur një marrëveshje, por të provokojë situatën”, shtoi analisti.

LEXONI GJITHASHTU:

• Sot takimi Kurti-Vuçiç në Bruksel, pala serbe kërkon asociacionin e komunave me shumicë serbe
• Takimi Kurti-Vuçiç, faza tjetër e dialogut në Bruksel më 19 korrik
• Opozita në Kosovë e cilëson dështim të plotë qëndrimin e Kurtit përballë Vuçiç-it