Nora Gjakova kampione olimpike, Kosova dy medalje të arta në Tokio

Xhudistja Nora Gjakova ia doli mbanë t’i dhurojë Kosovës një tjetër medalje të artë në Lojërat Olimpike të Tokios.

Ajo fitoi duke mposhtur francezen Sarah-Léonie Cysique në finalen e kategorisë nën 57 kilogramë për vajza.

Gjakova, 28-vjeçe, realizoi ëndërron që medalja e parë në Lojërat Olimpike për të të ishte e artë. Më herët ajo pati mposhtur sllovenen Kaja Kajzer, holandezen Sanne Verhagen dhe japonezen Joshida Tsukasa.

Për sportisten e Kosovës ky është suksesi tjetër i madh pas madaljes së artë në evropianin e vitit 2018 të Tel Avivit.

Më herët për Kosovën ishte Distria Krasniqi që duke triumfuar në kategorinë nën 48 kilogramë ia kishte dalë mbanë duke fituar medalje të artë.

LEXONI GJITHASHTU:

• Distria Krasniqi: Medaljen e Artë ia dedikoj shtetit dhe familjes sime
• Xhudistja nga Kosova fiton medaljen e artë në Lojërat Olimpike
• Tokio 2020, eliminohet Majlinda Kelmendi, Indrit Çullhaj e mbyll me dëmtim
• Olimpiadë si asnjë tjetër, Tokio 2020 nis nën masa kufizuese prej COVID-19
• Tokio 2020, fëmijët kryesojnë një nga garat, podiumi me 13-vjeçarë