‘Tokyo 2020’ pa spektatorë penalizon bizneset e vogla në Japoni

Ekspertët kanë ngritur alarmin se varianti ‘Delta’ mund të rrisë numrin e infektimeve gjatë zhvillimit të Lojërave Olimpike, të cilat nisën të premten. Kryeministri japonez, Joshihida Suga apeloi njerëzit të qëndronin në shtëpi dhe t’i ndiqnin lojërat nga TV.

“Në kushtet ku ndodhemi, u bëjmë apel të gjithë qytetarëve japonezë që të shmangin daljet e panevojshme dhe të ndjekim lojërat olimpike nga televizioni”, tha Yoshihide Suga, kryeministër i Japonisë.

Bizneset e vegjël në Tokio janë prekur më së shumti jo vetëm nga pandemia, por edhe nga vendimi për zhvillimin e Olimpiadës pa praninë e tifozëve nga jashtë vendit. Pikat turistike përreth komplekseve ku po zhvillohen Lojërat Olimpike i kanë ndjerë më së shumti kufizimet në Japoni.

“Supozohej se do të kishim mijëra turistë dhe të huaj që do vizitonin këtë zonë gjatë Lojërave Olimpike të Tokios, por për shkak të mungesës së spektatorëve, kjo zonë është e qetë dhe ne jemi të zhgënjyer”, thotë menaxheri i një dyqani ëmbëlsirash.

Sipas studimeve, fakti që Lojërat Olimpike po zhvillohen pa praninë e spektatorëve do t’i kushtojë 19 miliardë euro humbje ekonomike Japonisë. Lojërat e Olimpike do të përfundojnë më 8 gusht, por situata e vështirë e bizneseve pritet të vazhdojë më tej.

LEXONI GJITHASHTU:

• Lojërat Olimpike nën hijen e COVID-19, SHBA paralajmëron shtetasit që të mos udhëtojnë në Japoni
• Japonia hap qendrat e vaksinimit masiv për të moshuarit përpara Lojërave Olimpike