Kryeministri grek: Republika e Qipros, i vetmi shtet legjitim në ishull

Kryeministri i Greqisë, Kyriakos Mitsotakis dhe presidenti i Qipros, Nicos Anastasiades gjatë një takimi në Athinë konfirmuan angazhimin e përbashkët drejt paqes pavarësisht provokimeve të Turqisë.

Dy liderët shprehën mirënjohjen e tyre që Këshilli i Sigurimit dhe BE dënuan aksionet e Ankarasë.

Kryeministri grek e bëri të qartë se Republika e Qipros është i vetmi shtet legjitim në ishull.

Ndërsa, presidenti i Qipros në një intervistë ekskluzive për Euronews në Greqi nuk përjashtoi mundësinë se do të përdorë veton kundër Turqisë, ndonëse është gjithnjë i gatshëm për të mirëpritur një raund të ri bisedimesh duke iu përmbajtur rezolutës së Këshillit të Sigurisë. Ai dënoi hapjen e qytetit Varosha dhe hodhi poshtë planet që synonin ndarjen e përhershme të ishullit

Të dy udhëheqësit përshëndetën dënimin ndërkombëtar të aksioneve të Turqisë dhe i kushtuan vëmendje të veçantë deklaratës së diplomatit të BE, Josep Borrell.

Më konkretisht, Bashkimi Europian dënoi planin nga udhëheqësit turq dhe qipriotë turq për të rihapur pjesërisht vendin e braktisur të Varosha dhe bëri thirrje për një ndryshim të menjëhershëm të vendimit.

Ankaraja pretendon se bashkësia ndërkombëtare ka rënë viktimë e propagandës dhe dezinformatave për të cilat fajësohet Athina.

LEXONI GJITHASHTU:

• Reshjet e shiut shkaktojnë përmbytje në qytetet rreth liqenit të Komos në Itali
• Gjermania has vështirësi në pastrimin e plehrave që sollën përmbytjet
• 2 të vdekur, 5 të zhdukur pas shpërthimit në parkun industrial në Gjermani