Festivali ‘Butrinti 2000’, artistët sjellin pjesët më të bukura të 2 dekadave edicione

“Butrinti 2000” është festivali i përvitshëm i cili në sezonin e verës mbledh artistë nga e gjithë bota për të luajtur në skenën e improvizuar të amfiteatrit. Por për të dytin vit me radhë, për shkak të pandemisë COVID-19, festivali kulturor nuk është zhvilluar.

Për të mos humbur gjurmët, organizatorët mblodhën pjesët më të bukura në këto 2 dekada për t’i shfaqur për publikun në Bulevardin e Sarandës.

“Nuk ndenjëm duarkryq, thamë të sjellim diçka nëpërmjet imazhit të gjithë atij pothuajse 20-vjeçari që ka festivali i Butrintit dhe bëmë një dokumentar”, tha Alfred Bualoti, drejtor i festivalit.

Artistët shpresojnë që vitin e ardhshëm të rikthehen në skenën 2400 vjeçare të Butrintit.

“Është i vetmi festival që mund t’i kulturës sonë një mundës për të shprehur vetveten në një hapësirë më universale sesa Saranda”, tha studiuesi  i teatrit Josif Papagjoni tha se ky festival duhet bërë i përvitshëm që të ndiqet edhe nga brezat në vijim.

Ndërsa regjisori Piro Milkani tha se ky festival duhet bërë i përvitshëm që të ndiqet edhe nga brezat në vijim.

Për poetin Koço Vogli, festivali i organizuar ndër vite në Butrint i jep qytetit bregdetar një tjetër prestigj edhe në arenën ndërkombëtare të artit.

Festivali në fjalë është vënë në jetë për herë të parë në vitin 2000 dhe më pas u kthye në traditë duke sjellë në Butrint trupa teatrale nga e gjithë bota.

LEXONI GJITHASHTU:

• Mbyllet “Mik Festival”, mblodhi në Prespë artistë shqiptarë dhe të huaj
• Regjisoret gra në fokus të Festivalit të Filmit në Prishtinë
• “Porto Palermo Festival”, Olen Çesari në një muaj mbledh artistë shqiptarë dhe të huaj