Mbi 70 të prekur në ditë në Kosovë, Delta sjell valë infektimesh

Sipas Institutit Kombëtar të Shëndetit Publik të premten u regjistruan 70 raste me COVID-19 dhe të shtunën 92. Ky ritëm i shpejtë infektimesh po ndihet edhe në spitalin infektiv të Prishtinës.

Një nga zyrtarët e klinikës infektive, Arben Vishaj tha se të shtruar janë 19 pacientë dhe fluksi po shtohet. Nga këta 3 janë në mjekim intensiv, ku njëri në gjende kritike. Vishaj deklaroi se 12 pacientë janë me oksigjeno-terapi.

Sipas drejtorit të departamentit të Mikrobiologjisë Xhevat Jakupi, shumica dërrmuese e këtyre pacientëve janë të infektuar me variantin Delta, i cili po shfaq forma të rënda klinike.

Prania e variantit Delta, po shton çdo ditë e më shumë numrin e të rasteve të reja dhe shtrimet në spital prandaj autoritetet bëjnë thirrje për vaksinim, si e vetmja mënyrë për t’u mbrojtur nga sëmundja.

Që nga fillimi i vaksinimit e deri më tani, janë injektuar 413 mijë doza gjithsej dhe 137 mijë qytetarë kanë marrë dy vaksina.

LEXONI GJITHASHTU:

• Kosova raporton numër të lartë të rasteve aktive me COVID-19
• Kosova lehtëson masat anti-COVID, lejohen dasmat dhe hapen klubet e natës
• Në Kosovë rastet aktive me COVID-19 mbeten të larta