Piloti francez fiton garën e parë, Hamilton kalon me pikë Verstappen

Piloti i “Alpine”, Esteban Ocon ka arritur një fitore në një garë emocionuese në “Hungarian Grands Prix”, duke përfunduar garën para Sebastian Vettel me “Aston Martin”.

I treti doli kampioni Lewis Hamilton ndërsa Max Verstappen e përfundoi garën në vend të 10-të pasi mori një penalizim për shkak të një aksidenti.

Pas përfundim të kësaj gare, Hamilton ka rimarrë kryesimin e renditjes së pilotëve për herë të parë që prej muajit maj.

Rivali i tij, Verstappen nga kjo garë arriti të merrte vetëm një pikë duke bërë që në total të shkojë në 186 pikë nga 192 që ka piloti britanik.

Gjatë garës, Vettel vuri disa herë nën presion Ocon, por piloti francez arriti që të ruante fitoren e tij të parë.

Kjo është gjithashtu fitorja e parë për “Alpine” që prej kohës kur Kimi Raikkonen fitonte në 2013 “Australian Grand Prix” dhe makina njihej si “Lotus”.