Policia e Durrësit arreston 2 persona dhe ndalon një të dyshuar për 8 vjedhje

Policia e Durrësit ka arrestuar 2 qytetarë dhe ka ndaluar një tjetër i cili dyshohet si autor i 8 vjedhjeve në këtë qytet.

Dejvid Karaboja, 29-vjeçari, banues në lagjen nr.7 u arrestua për prodhim dhe shitje të lëndëve narkotike, ndërsa gjatë kontrollit nga policia iu gjet në çantë edhe një sasi e konsiderueshme lekësh, por shuma nuk është bërë e ditur.

Ndërkohë nga një operacion i Policisë Durrës me “Shqiponjat” u arrestua Denis Kapidani, 37 vjeç të cilit iu kap një sasi kanabis, disa vepra arti me vlera historike, makineri të lojërave të fatit, uniforma policie me simbolet e tyre, municion luftarak dhe armë të ftohta.

Sipas burimeve, janë zbardhur 8 vjedhje të ndodhura në Durrës. Policia ka arrestuar Andrea Dervishin të dënuar edhe më parë për vjedhje në lagjen 13 gjatë muajve qershor-korrik. 19-vjeçari dyshohet të këtë marrë nëpër banesa lekë, celularë dhe bizhuteri floriri.

LEXONI GJITHASHTU: 

• Policia arreston drejtuesin e mjetit që u iku gjatë aksionit antidrogë, sekuestrohet 1,2 kilogramë kokainë
• Policia kap sërish kokainë në ngarkesat e kompanisë “Alba Exotic Fruit”
• Policia arreston një person të armatosur në Sukth, lëvizte me makinë të blinduar