Protesta në Athinë, qytetarët kritikojnë autoritetet: Nuk kanë investuar për zjarrfikësit

Qindra protestues u mblodhën jashtë parlamentit të Athinës për të shprehur zemërimin e tyre për mënyrën sesi qeveria po menaxhon situatën nga zjarret që kanë shkatërruar mijëra hektarë tokë.

Demonstruesit, nga grupet e majta dhe organizatat mjedisore, kritikuan autoritetet për mungesën e fondeve për stafin e njësive speciale të zjarrfikësve, automjeteve, si dhe politikave të pafavorshme ndaj mjedisit.

“Ne po protestojmë kundër qeverisë që ka lënë që vendi të digjet, për shkak se ka vendosur prioritet fitimet dhe jo njerëzit. Ne po protestojmë sepse japin miliona për blerjen e avionëve luftarakë dhe policinë dhe nuk kanë investuar për zjarrfikësit,” u shpreh një nga protestuesit.

Kryeministri grek Kyriakos Mitsotakis kërkoi falje për çdo dështim në mënyrën e menaxhimit të situatës nga zjarret, duke thënë se do të korrigjojë gabimet dhe premtoi kompensim për ata që humbën pronën.

LEXONI GJITHASHTU:

• Zjarret në Greqi, banorët kritika autoriteteve, Mitsotakis kërkon ndjesë
• Evia në Greqi vijon të digjet, banorët dhe zjarrfikësit përballen me flakët