Talebanët: Gati të falim armiqtë, të drejtat e grave sipas ligjit islamik

”Falim të gjithë ata që luftuan kundër nesh në të kaluarën dhe garantojmë të drejtat e grave sipas ligjit islamik”.

Me këto premtime, zëdhënësi i talebanëve është shfaqur në konferencën e parë për shtyp që nga rënia e Kabulit.

“Duam të sigurohemi që Afganistani të mos jetë më një fushë-betejë. Nuk duam më armiq as të brendshëm e as të jashtëm”, ka deklaruar zëdhënësi Zabihullah Muxhahid.

Ai ka shtuar më tej se ky është një moment krenarie për të gjithë vendin, pasi pas 20 vjetësh u çlirua i gjithë Afganistani dhe u dëbuan të gjithë të huajt.

Presidenti i Shteteve të Bashkuara të Amerikës Joe Biden mbajti mbrëmë një fjalim para mediave amerikane pasi talebanët morën kontrollin e Afganistanit.

Ai deklaroi se qëllimi i misionit amerikan ka qenë për të parandaluar një sulm terrorist, ndërsa shtoi se i qëndron vendimit për të tërhequr trupat amerikane.

Shefi i Shtëpisë së Bardhë ndër të tjera pohoi se përgjegjësia për të gjetur konsensusin u përket liderëve afganë.

LEXONI GJITHASHTU:

• Biden fajëson ushtrinë afgane: Asgjë nuk do ndryshonte nëse forcat tona do qëndronin
• Pasuria e talebanëve, kontrollojnë 90% të opiumit në botë, mblodhën 1.5 mld dollarë në 2020
• Cilët janë udhëheqësit e talebanëve?
• Kush janë Talebanët dhe si erdhën ata në pushtet?
• Talebanët zotohen për paqe një ditë pas rënies së Kabulit