150 shtetas të tjerë afganë mbërrijnë në Shqipëri

Rreth orës 05:00 të mëngjesit të kësaj të hëne ka mbërritur në aeroportin e “Nënë Tereza” në Rinas avioni i gjashtë me shtetas afganë, i nisur nga Abu Dabi, në të cilin ndodheshin 150 persona.

Menjëherë pas mbërritjes, të gjithë personat e ardhur kanë kryer testet mjekësore, si dhe kanë plotësuar dhe dokumentacionin e identifikimit.

103 prej tyre janë akomoduar në “Qytetin Studenti” në kryeqytet, ndërsa 47 të tjerë kanë udhëtuar direkt drejt Durrësit, ku janë vendosur në hotele.

Deri më tani në territorin shqiptar kanë mbërritur 607 qytetarë afganë.

Sipas qeverisë shqiptare, vendi ynë mund të presë deri në 4000 afganë, të cilët do të strehohen përkohësisht, pasi si destinacion kryesor kanë Shtetet e Bashkuara të Amerikës.

LEXONI GJITHASHTU:

• Mbërrin në Kosovë avioni i parë me emigrantë afganë
• “Të kënaqur me mikpritjen, por nuk duam të rrimë gjatë”, dita e parë e afganëve në Tiranë
• Frika nuk ndal afganët, pas shpërthimeve nisën sërish drejt aeroportit të Kabulit