Kancelarja Angela Merkel merr medaljen botërore për shëndetësinë

2 Shtator 2021 | 08:49

Kancelarja gjermane Angela Merkel përuroi të mërkurën në Berlin hapjen e një qendre të re inteligjence për epidemitë.

Kancelarja, në prani të drejtorit të përgjithshëm të OBSH-së Tedros Adhanom Ghebreyesus, u dekorua me medaljen botërore për shëndetësinë.

Në fjalën e saj në këtë ceremoni, Merkel deklaroi se në mbarë botën duhet bërë më shumë për të garantuar shëndetin e qytetarëve.

“Duhet të jemi më të përgatitur për pandemitë e së ardhmes. Të them të drejtën, unë nuk e prisja që një pandemi do të përfshinte Europën një ditë. Ne po punonim që ajo të mos e arrinte kontinentin tonë, por tani e përjetuam dhe duhet të nxjerrim mësime prej saj,” – tha kancelarja.

 Qendra e re do të shërbejë për mbledhjen e informacioneve mbi viruset dhe të dhënat më pas do të analizohen për t’u përdorur në luftën globale kundër pandemive.

Merkel u shpreh se Berlini është vendi i duhur për krijimin e një qendre të tillë dhe vlerësoi punën e spitaleve gjermane në luftën kundër COVID, si dhe institutin Robert Koch.

Qendrës do t’i jepen fillimisht 30 milionë euro financim, që do të shërbejë edhe si një pikënisje për mbështetjen e Gjermanisë ndaj Organizatës Botërore të Shëndetësisë.

 

LEXONI GJITHASHTU: 

 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026