4 viktima nga COVID-19 në 24 orët e fundit

Katër persona humbën jetën prej COVID-19 në Shqipëri gjatë 24 orëve të fundit, ndërsa 502 të tjerë rezultuan të infektuar pas testeve.

Ministria tha se viktimat ishin të moshës 55 deri në 78 vjeç. Tashmë totali zyrtar i personave që kanë humbur jetën nga pandemia në Shqipëri është 2,519.

Për sa i përket rasteve të reja, autoritetet thanë se pas 5,991 testesh, rezultuan të prekur nga COVID-19 rreth 8.5% e tyre. Paralelisht u deklaruan të shëruar 393 persona, ndërsa numri i atyre që janë mbartës të virusit aktualisht ka shkuar në 12,108.

Nga rastet aktive 147 (1.2%) janë shtruar në spitalet publike për COVID-19, ku 17 (11.5%) prej tyre janë në gjendje të rëndë.

Prej fillimit të pandemisë në Shqipëri janë pikasur mbi 151 mijë raste me COVID-19, prej tyre 90% janë mundur të shërohen, 8% janë ende me mbartje të virusit, ndërsa 2% nuk kanë mundur t’ia dalin mbanë.

Nga mesi i verës Shqipëria ka hasur në një rritje të infektimeve duke nxitur autoritetet të rivendosin disa masa kufizuese.

Euronews Albania sjell më poshtë të gjitha statistikat në krahasim me vitin e shkuar.

LEXONI GJITHASHTU:

• Fëmijët janë më pak të rrezikuar nga COVID-19, thotë specialisti i shëndetit
• COVID-19 ‘përçan’ francezët, protesta kundër pasaportave
• Kosova raporton 28 humbje jete nga COVID-19