A do ta tërheqë Mali i Zi njohjen e Kosovës? Përgjigjet presidenti i ri, Millatoviç

President i ri i Malit të Zi, Jakov Millatoviç, ka deklaruar se rruga evropiane e Malit të Zi është e padiskutueshme.

Gjatë një interviste për televizionin Nova, Millatoviç u pyet dhe nëse do të ketë tërheqje për njohjen e Kosovës.

Në përgjigjen e tij Presidenti i ri i Malizt të Zi theksois se politika e jashtme, bazuar në marrëveshjet e nënshkruara ndërkombëtare, nuk do të ndryshojë. Ai theksoi se kjo është më se e qartë, duke nënkuptuar se nuk do të ketë një tërheqje të njohjes për Kosovën.

“Ne mbështesim gjithçka për të cilën do të bien dakord Beogradi dhe Prishtina. Mendoj se normalizimi i marrëdhënieve midis Beogradit dhe Prishtinës është i rëndësishëm për të gjitha vendet në rajon, dhe Mali i Zi dëshiron të jetë një fqinj i mirë që do të promovojë marrëdhënie të mira fqinjësore”, tha ai.

Në deklaratat e mëparshme për media, ai ka konfirmuar se mbështet nismën rajonale të Ballkanit të Hapur, të cilës Mali i Zi aktualisht nuk i përket.

“Mali i Zi mund të luajë një rol të rëndësishëm – si një lokomotivë që mund të jetë e para që do të hyjë në BE – dhe tani t’i shtyjmë, gjithashtu, të gjitha vendet e Ballkanit Perëndimor që të na bashkohen”, tha ai.