Prokuroria e Tiranës ka reaguar në lidhje me disa lajme të ngritura nga disa media në vend për nisjen e hetimeve ndaj shefit të Krimit Ekonomik në Policinë e Tiranës, Erion Ismaili, për lidhjet e tij me Call Center-at.

Prokuroria përmes një njoftimi zyrtar bën me dije se nuk ka nisur asnjë hetim në lidhje me Ismailin.

NJOFTIMI I PROKURORISË

Prokuroria pranë Gjykatës së Rrethit Gjyqësorë Tiranë, duke marr shkas nga interesimi i mediave të ndryshme, si edhe nga lajmet që kanë qarkulluar nëpër media dhe portale mediatike, në lidhje me shtetasin Erion Ismaili me detyrë Shefi i Sektorit për Hetimin e Krimit Ekonomik dhe Financiar, vlerëson të nevojshme që të informojmë opinionin publik që ky lajm nuk është i vërtetë.

Prokuroria pranë Gjykatës së Rrethit Gjyqësorë Tiranë , nuk ka filluar veprime hetimore ndaj shtetasit Erion Ismaili në lidhje me çështjen penale nr.2306 të vitit 2023, ku rezultojnë të arrestuar shtetasit E.S., F.Q. dhe M.K.

Kërkojmë mirëkuptimin e medias, që para se të publikojë lajme që i përkasin çështjeve penale, që po hetohen nga Prokuroria pranë Gjykatës së Rrethit Gjyqësorë Tiranë, të kërkojë informacion në mënyrë zyrtare, me qëllim informimin e saktë të opinionit publik.

LEXO GJITHASHTU:

• EMRI| Kultivoi 2150 rrënjë kanabis, kapet 55-vjeçari i shpallur në kërkim
• Sekuestrohen 47 500 euro në Rinas, procedohen penalisht dy persona
• Zhdukja e “Koçoles” dhe Sulovarit, arrestohet 28-vjeçari